Әлмәтнең инженерлык лицее укучылары автоинспектор белән очрашты
Профилактик әңгәмәнең төп максаты-балаларны юл хәрәкәте кагыйдәләрен үтәү, юл аша чыкканда игътибарлы булу, шулай ук яктылык кайтаручы элементлар куллану кирәклеге турында кисәтү.
26 нчы инженерлык лицеенда юл-транспорт һәлакәтләрен профилактикалау максатыннан балалар белән очрашу узды.
Әңгәмә барышында Россия эчке эшләр министрлыгының Әлмәт районы буенча бүлегенең юл хәрәкәте куркынычсызлыгын пропагандалау буенча инспекторы полиция өлкән лейтенанты Курамшина И.И. һәм «юл хәрәкәте куркынычсызлыгы» дәүләт бюджет учреждениесенең территориаль идарәсенең профилактика бүлеге башлыгы Рафигуллина Л. М. укучыларга райондагы аварияләрнең торышы һәм юл-транспорт һәлакәтләре сәбәпләре турында сөйләделәр.
Җәяүлеләрнең төп хаталарын күрсәттеләр, яктылык кайтару элементларының эш принцибын искә төшерделәр.
Алынган белемнәрне ныгыту өчен балаларга тематик видеороликлар күрсәтелде.
Фото: Әлмәт районы буенча юл хәрәкәте куркынычсызлыгын пропагандалау бүлеге
Следите за самым важным и интересным в Telegram-каналеТатмедиа
Оставляйте реакции
