Әлмәттә педиатр кабинеты булган гомуми практика табибы офисы ачылачак

ТР Әлмәт районы башлыгы Тимур Нагуманов яңа медицина учреждениесенең барлыкка килүен турыдан-туры эфирда игълан итте.

"Хәзер якын-тирә районнарда яшәүчеләргә шәһәр поликлиникасына барырга туры килмәячәк. Өй янында, якын һәм уңайлы, аеруча балалары булган ата-аналарга һәм өлкән буын кешеләренә медицина ярдәме һәм консультация алырга мөмкин. Өстәмә офис ачу башка поликлиникаларда да чиратларны киметәчәк. Пациентларны бүлү тагын да тигезрәк булачак", - диде район башлыгы.

Әлмәтлеләр анда  диспансеризация уза, белешмә ала, ташламалы даруларга рецепт яза, вакцинация уза алачак. Тар белгечләрнең кабул итүе график буенча узачак.

Өлкәннәр бүлегендә ике табиб участогы эшләячәк, балаларны ике табиб-педиатр һәм дүрт шәфкать туташы кабул итәчәк.

"Бу проектта үзем берничә тапкыр булдым. Яхшы, заманча, якты медицина комплексы", - диде Тимур Нагуманов.