Әлмәт медсанчастендә нейрохирургия бүлеге ачылды
Белгечләр якын-тирә районнар халкына махсуслаштырылган ашыгыч, кичектергесез һәм планлы ярдәм күрсәтәчәк.
Әлмәтнең медсанчастендә Татарстанның көньяк-көнчыгышында беренче нейрохирургия бүлеге ачылды. Бу хакта медсанчастьнең матбугат хезмәте хәбәр итә.
"Бүлек җитәкчесе итеп югары квалификацияле табиб-нейрохирург, медицина фәннәре кандидаты Илдус Мостафин билгеләнде. Бүлек 20 койкага исәпләнгән. Биредә шулай ук 3 табиб-нейрохирург эшли: М.Ф. Сәгдиев Р. Р., Мөбәрәков Р. Б., Янгиров Ю. М», – дип аңлаттылар медсанчастьнең матбугат хезмәтендә.
Бүлектә якын – тирә районнар-Әлмәт, Азнакай, Лениногорск, Чирмешән һәм Нурлат районнарында яшәүчеләргә махсуслаштырылган ашыгыч, кичектергесез һәм планлы ярдәм күрсәтеләчәк.
Ел саен медсанчастьтә баш һәм арка миенә, умыртка баганасының төрле бүлекләренә 350 гә якын операция ясала.
Фото: медсанчасть.
Следите за самым важным и интересным в Telegram-каналеТатмедиа