Әлмәттә үзәк урамнарны төзекләндерү эшләре башланды

Татарстанның кече шәһәрләрендә һәм авыл җирлекләрендә паркларны һәм скверларны төзекләндергәннән соң үзәк һәм икенчел урамнарны төзекләндерә башлаячаклар. Бу хакта ТР Төзелеш, архитектура һәм торак-коммуналь хуҗалык министры урынбасары Айназ Ярмиев сөйләде.

«Әлегә Казанда ремонтланырга тиешле парклар бар. Кече шәһәрләр һәм авыл киңлекләре буенча без инде урам челтәренә күчәбез. Хәзер үзәк урамнар төзекләндерелә, киләчәктә әһәмияте буенча икенчел урамнарга да күчәргә планлаштырабыз», — диде Ярмиев.

Балтач һәм Әлмәттә үзәк урамнарны төзекләндерү эшләре башланган.