Казан укытучысы: БДИны уңышлы бирүнең 70% ы укучының стресска каршы торучанлыгына бәйле
Чыгарылыш сыйныф укучыларына бердәм дәүләт имтиханнарында чикләнгән вакыт эчендә билгеле бер биремнәр үтәргә кирәк, дип искәртте педагог.
Югары категорияле укытучы Оксана Киселева фикеренчә, БДИ нәтиҗәләре күпчелек дәрәҗәдә укучыларның стресска каршы торучанлыгына бәйле. Бу хакта Казанның 122 нче гимназиясенең рус теле һәм әдәбияты укытучысы Андрей Кузьминга биргән интервьюсында белдерде.
«Мин балаларга әйтәм, сезнең шәхси җиңүегезнең 30% - ы, сез омтылган баллар җыелмасы рус телен белүгә бәйле. Ә калган 70% - үзен оештыра белү, физик халәт һәм стресска чыдамлык. Гомумән, БДИ стресска каршы торучанлыкны тикшерә", - диде педагог.
Киселева фикеренчә, БДИның төп катлаулылыгы- билгеле бер биремнәр санын чикләнгән вакыт эчендә башкарырга кирәк. «Син бер биремдә озак тоткарлана алмыйсың. Әгәр син соңга калсаң, тикшерергә өлгермәячәксең. Әгәр дә тикшереп өлгермәсәң, баллар җитми", - дип өстәде ул.
Элегрәк «Татар-информ» хәбәр иткәнчә, Татарстанда быел 100 баллга бәяләнгән имтихан эшләре саны арткан. 2019 ел белән чагыштырганда, йөз баллы нәтиҗәләр саны 40ка арткан.
Следите за самым важным и интересным в Telegram-каналеТатмедиа