Әлмәт муниципаль районы башкарма комитеты җитәкчесе Гүзәл Хәбетдинованың 8 март белән котлавы

Халыкара хатын-кызлар көне 8 Март - ул яз символы. Бу вакытта табигать йокыдан уяна, шатлык һәм өмет өстәп, күңелләрдә яңа планнар һәм хыяллар бөреләнә.

Районыбыз хатын-кызлары туган ягыбызның чәчәк атуы хакына нәтиҗәле хезмәт куялар. Фән һәм мәгариф, социаль тәэмин итү, сәламәтлек саклау һәм авыл хуҗалыгы, сәүдә, төзелеш, эшмәкәрлек, мәдәният һәм спорт, производство, җәмәгать туклануы, дәүләт һәм муниципаль идарә кебек мөһим өлкәләрне сездән башка күз алдына китерү һич мөмкин түгел. Традицияләребезне, рухи-әхлакый кыйммәтләребезне саклауда һәм үсеп килүче буынны тәрбияләүдә нәкъ менә сез төп рольне башкарасыз. Өегез һәм гаиләгез турында армый-талмый кайгыртуыгыз, кулларыгыз һәм йөрәкләрегезнең җылысы, игелек һәм сабырлыгыгыз, авыр минутларда ярдәм итә белүегез һәм үз көчегезгә ышанычны уята алуыгыз соклануга һәм чиксез рәхмәткә лаек.

Хәрби хезмәттәгеләрнең аналарына аерым рәхмәт сүзләре җиткерәсе килә. Сезнең мәхәббәтегез - иң изге һәм иң бөек хисләр. Сез лаеклы уллар, чын Ватан сакчыларын үстердегез. Барыгызга да ныклы сәламәтлек, сабырлык һәм җан тынычлыгы телим.

Шәһәр һәм районыбызның хөрмәтле хатын-кызлары, фронтка посылкалар әзерләп озатуыгыз, кайгыртучан кулларыгыз белән ясаган маскировка челтәрләре, окоп шәмнәре, җылы әйберләр һәм алгы сызыктагы сугышчыларыбыз көтеп алган хатларыгыз өчен эчкерсез рәхмәтләремне белдерәм. Алар өчен борчылуыгызны чын күңелдән уртаклашам. Изге теләкләрегез тормышка ашып, туганнарыгыз һәм якыннарыгыз исән-сау әйләнеп кайтсын иде.

Бәйрәм белән! Сезнең һәр көнегез яктылык, мәхәббәт һәм үзара аңлашу белән тулы булсын. Һәрберегезгә ныклы сәламәтлек, хөрлек-иминлек, бәхет һәм тынычлык телим.

Әлмәт муниципаль районы башкарма комитеты җитәкчесе Гүзәл Хәбетдинова