Әлмәтлеләр республика конкурсында җиңү яулады

4 мартта Казанда «Ел хатын-кызы. Ел ир-аты: хатын-кыз карашы» конкурсы узды. Бәйге  Татарстан Республикасы рәисе Рөстәм Миңнеханов ярдәме белән уза.

Бәйрәм чарасы республика җитәкчелеге, иҗтимагый оешмалар активистлары, конкурсның зона турларында җиңүчеләр катнашында узды. Конкурста җиңүчеләрне Татарстан Дәүләт Советы спикеры Фәрит Мөхәммәтшин котлады. Ул билгеләп үткәнчә, быел конкурс рекордлы санда катнашучыларны җәлеп итте – республиканың барлык почмакларыннан диярлек 320 гариза килгән.

Әлмәт көчле конкурсантлар белән таныштырып, үзен лаеклы күрсәтте. Әлмәтлеләр республика башкаласыннан 4 бүләк алып кайтты:

Әлмәт районара күп профильле хастаханәсенең функциональ диагностика табибы Людмила Итяксова «Өченче буын героинясы»  номинациясендә җиңүче булды;

Светлана Гыйләҗева, «Нефть-газ җиһазлары һәм машина төзелеше технологиясе» кафедрасының өлкән укытучысы, югары нефть мәктәбенең беренче проректоры ярдәмчесе – «Хатын-кыз – ел үрнәге» номинациясендә;

Гөлнара Шаһиева, «Дай 5»  урта мәктәбе педагог-китапханәчесе, күп балалы әни;

Александр Сбоев, «ТатАвтоматизация» оешмасының әйдәп баручы инженеры, «Ангел 7d» социаль-психологик үзәге рәисе.

Әлмәтлеләр махсус хәрби операция сугышчыларына ярдәм иткән өчен «Особое признание» махсус номинациясендә бүләкләнделәр.

Фото: Әлмәт муниципаль районы башлыгы матбугат хезмәте