Әлмәттә махсус хәрби операция зонасыннан өйләренә кайткан сугышчыларга эшкә урнашырга ярдәм итәчәкләр

Әлмәт халыкны эш белән тәэмин итү үзәгендә махсус хәрби операция катнашучыларына һәм аларның гаилә әгъзаларына эш табарга гына түгел, ә яңа тормыш шартларына җайлашырга да ярдәм итә торган махсус программалар эшләнгән. Үзәк белгечләре һөнәри юнәлеш бирү, кирәкле һөнәрләргә өйрәтү һәм психологик ярдәм күрсәтү хезмәтләрен тәкъдим итәләр. Шулай ук үз эшләрен оештыруда да ярдәм каралган. Мәсәлән, алган һөнәри күнекмәләр махсус операциядә катнашучы Сергейга яраланганнан соң һәм квота буенча инвалид статусын алганнан соң ЭВМ операторы булып эшкә урнашырга ярдәм иткән. Мәшгульлек үзәге машина йөртүче, каравылчы, ЭВМ операторы, автослесарь, хәрби комиссариат белгече вазифаларын да кертеп, төрле вакансияләр тәкъдим итә.

Шулай ук хәзерге вакытта квота буенча инвалидлык төркеме булган махсус хәрби операция катнашучылары өчен 79 вакансия актуаль. Квоталар түбәндәге белгечлекләр буенча бирелгән: скважиналарны эксплуатацияләү һәм разведкалау супервайзингы бүлегендә әйдәп баручы инженер, бухгалтер, персонал сайлау бүлегендә белгеч, система администраторы, МСР слесаре, инженер, төбәк вәкиле, төзелеш дисциплиналары укытучысы, шулай ук объектларны реконструкцияләү буенча баш белгеч.

«Демобилизацияләнгән гражданнар саны арту белән аларны эшкә урнаштыру мәсьәләсе аеруча әһәмияткә ия була. Махсус хәрби операция ветераннарына ярдәм итү һәм аларны эш урыннары белән тәэмин итү – безнең беренче чираттагы бурычыбыз», — дип билгеләп үтте район башкарма комитеты җитәкчесе Гүзәл Хәбетдинова.

Җитәкче шулай ук сугыш хәрәкәтләре зонасыннан кайткан сугышчыларны эшкә урнаштырганда нинди кыенлыклар килеп чыгуын билгеләргә кушты. Үзәк хезмәтләреннән файдалану өчен  катнашучыларга түбәндәге документларны күрсәтергә кирәк: паспорт, СНИЛС, ИНН, махсус хәрби операциядә катнашучы таныклыгы, мәгариф турындагы документ һәм банк счеты. Махсус хәрби операциядә катнашучыларга чираттан тыш хезмәт күрсәтелә.

Фото: Әлмәт муниципаль районы башлыгы матбугат хезмәте