Мобилизацияләнгән әлмәтлеләрнең балалары Тимур Нагумановтан бүләкләр алды

Әлмәт районы башлыгы Тимур Нагуманов Арсений һәм Анастасия Порфирьевларның Яңа ел теләкләрен үтәде.

Әтиләре махсус хәрби операция зонасында булган балалар "Теләкләр чыршысы"нда  хатлар калдырган.

Арсенийгә швед стенасы, Анастасиягә велосипед бүләк иттеләр.

"Балаларга нык сәламәтлек һәм укуда уңышлар телим. Яңа ел аларның тормышына күп шатлыклар һәм истә калырлык мизгелләр китерсен!", дип язган үзенең телеграм-каналында Тимур Нагуманов.

Фото: Әлмәт районы башлыгы телеграм-каналы