Анда коррекцион үсеш дәресләре уза.
Әлмәтнең күп функцияле гаилә үзәгендә социаль хезмәтләр алучылар һәм менталь сәламәтлек үзенчәлекләре булганнар өчен коррекцион‑үсеш дәресләре уза. Эштә, аерым алганда, ярымшарара такталар кулланалар. Бу хакта ТР Хезмәт министрлыгы хәбәр итә.
Бу-механик тренажер: аның өстенә көзге рәвешендәге бизәкләр‑лабиринтлар төшерелгән. Катнашучының бурычы-бер үк вакытта алар буенча бармаклар яки стилуслар белән ике кулны йөртү. Мондый күнегүләр сул һәм уң ярымшарларны бәйли торган баш мие структурасын активлаштыра. Шуның нәтиҗәсендә ярымшарлар арасындагы үзара тәэсир итешү яхшыра, ә шуның белән бергә — игътибар, хәтер, сөйләм һәм гамәлләр эзлеклелеген төзи белү.
Үзәк белгечләре билгеләп үткәнчә, методика менталь үзенчәлекләре булган кешеләргә аеруча файдалы: аларда еш кына игътибарны күчерүдә, координацияләүдә һәм бурычларны адым саен үтәүдә кыенлыклар килеп чыга. Дәресләрдән соң катнашучыларның концентрациясе яхшыра, хәрәкәт төгәлрәк, үз халәтеңне һәм үз-үзеңне тотышыңны контрольдә тоту җиңелрәк килеп чыга.