Әлмәттә хуҗасыз хайваннар проблемасын хәл итүнең яңа вариантын тәкъдим иттеләр

Тимур Нагуманов үзенең телеграм-каналында караучысыз хайваннар санын көйләүгә кагылышлы мәгълүмат белән уртаклашты.

Район башлыгы хәбәр иткәнчә, инде берничә ел Әлмәттә ветеринария медицинасы үзәге актив эшли, анда этләрне стерильләштерү, вакцинацияләү һәм тамгалау үткәрелә. Бу процедураны 600 эт үткән. Хәзерге вакытта волонтерлар, экспертлар һәм шәхси приютлар белән хезмәттәшлек итәләр.  Шуңа да карамастан, инфраструктура җитмәү һәм стерилизация культурасы җитмәү сәбәпле, караучысыз хайваннар проблемасы актуаль булып кала.

Шушы көннәрдә шәһәр активы белән киңәшмә үткәрелде, анда яшәүчеләргә барлык якларның мәнфәгатьләрен исәпкә алып, агымдагы хәлне чишүнең яңа вариантын сынап карарга тәкъдим ителде.

"Стерилизация, вакцинация һәм тамгалаудан тыш, һәр хайван өчен анкета ясалачак. Карантин вакытында хайваннар вакытлыча тоту пунктында волонтерлар тарафыннан реклама кампаниясе һәм яңа җаваплы хуҗалар эзләү үткәреләчәк. Шуңа күрә, кадерле әлмәтлеләр, сезнең һәркайсыгыздан шәһәр өчен пилот проектыбыз турында мәгълүмат таратуда һәм этләр өчен яңа йортлар эзләүдә ярдәм итүдә актив катнашуыгызны сорыйм. Бергәләп без һәр хайванга чын дус һәм җаваплы хуҗа табарга булыша алабыз!", диде Әлмәт районы башлыгы.