Район башлыгы озын гомерле әлмәтлене юбилее белән котлады

Әлмәт районы башлыгы Тимур Нагуманов туган көнен котлады.

Серафима Римская 1928 елның 21 июнендә Башкорт АССРның  Дуван авылында туган. Сугыш башланганда, аңа 13 яшь кенә була һәм бу еллардагы авырлыкларны кичерә. Ветеран сөйләвенчә, алар басулардан башаклар җыялар, поездлар өчен утын кисеп, атна саен фронтка 3-4 кубометр җибәрәләр.

Соңрак ул телеграфист эшенә өйрәнә, Морзе аппаратында оста эшли. Сугыш бетә, ләкин эшләргә, сәнәгатьне күтәрергә, шәһәрләрне торгызырга кирәк була.

Ләкин тормыш авырлыкларга, кеше мөнәсәбәтләренә һәм мәхәббәткә карамастан, үз җае белән барган. Яшьләргә йөрәк эшләрендә Серафима Алексеевна ярдәм итә. Һәр атна тулы аншлаг белән ул «Гаилә мөнәсәбәтләре», «Мәхәббәт» һәм башка күп кенә темаларга лекцияләр укый.

Ул кеше мөнәсәбәтләрен генә түгел, ә нефть җиһазлары эшен дә бик яхшы аңлый. Сугыштан соң 35 ел бораулау кадрлары мәктәбендә китапханә мөдире булып эшли.

 Серафима Алексеевна үзешчән сәнгать белән шөгыльләнә, КВН уеннары үткәрә. 

Ләкин төп казанышларга, Серафима Алексеевна фикеренчә, ул ШБК китапханәсендә ирешкән. Китапханә аның белән, еллар дәвамында китап фондын шактый тулыландырган, ике тапкыр ВДНХ призеры була. «Хезмәт ветераны», «1941-1945 еллардагы Бөек Ватан сугышында Җиңү» медальләре, «Татнефть» ААҖнең Мактау грамоталары белән бүләкләнә.

Серафима Алексеевна бәхетле кеше. Ул 9 оныкның яраткан әбисе һәм инде 10 оныкчыгы бар. Һәрвакыт актив, шат күңелле, ул хәзер дә энергия белән тулы.

Район башлыгы юбилярга ныклы сәламәтлек, озын гомер теләде һәм үзенең 100 еллыгын  сәламәт килеш һәм бүгенге кебек яхшы кәефтә каршы алуын теләде. Әлмәтлеләрне тәрбияләүгә, укытуга керткән өлешләре өчен аерым рәхмәт белдерде. Истәлекле бүләк һәм котлау хаты тапшырды.

Котлау һәм рәхмәт сүзләрен  шулай ук район ветераннар советы, «Татнефть» компаниясе һәм халыкны социаль яклау идарәсе вәкилләре дә җиткерде.

Фото: Әлмәт районы башлыгы матбугат хезмәте