Әлмәт районы башлыгы ялга кайткан мобилизацияләнгәннәр белән очрашты
Хәрбиләрнең күбесе 9 Майга багышланган тантаналарда катнашты.
«Нур» психологик ярдәм үзәгендә район башлыгы Тимур Нагумановның махсус хәрби операциядә катнашучылар белән чираттагы очрашуы булды. Шунысы куанычлы, аларның күбесе 9 Майга багышланган тантаналарда катнаша алды.
Очрашуда шулай ук район башлыгы урынбасары Марат Гыйрфанов, шәһәр Советы депутаты, эшмәкәр Вячеслав Колотовкин, Әлмәт шәһәре хәрби комиссары Ришат Сабиров, җаваплы хезмәтләр һәм штаб хезмәткәрләре катнашты.
Хәрби хезмәткәрләр хезмәт турында сөйләделәр һәм булган көнкүреш проблемалары турында фикер алыштылар. Сугышчылар подразделениеләрне матди-техник тәэмин итү һәм нинди әйберләргә мохтаҗ булулары турында сөйләделәр.
Тимур Нагуманов шулай ук алардан гаиләләренә кирәкле ярдәм чаралары турында сорашты, сораулар һәм үтенечләр аерым контрольгә алынды.
"Безнең егетләр һәм аларның гаиләләре турында кайгырту – бүген өстенлекле бурыч. Без һәрвакыт мөмкин булганча ярдәм итәргә әзер. Бүген безнең тынычлыгыбызны хөрмәт белән саклаучыларга ярдәм итүнең мөһимлеген аңлыйбыз. Барлык Әлмәт гаиләләренә туганнары һәм якыннары белән күбрәк вакыт үткәрерүләрен телим", - диде район башлыгы.
Ул ир-егетләргә батырлыклары өчен рәхмәт белдерде.
Фото: Әлмәт районы башлыгы матбугат хезмәте
Следите за самым важным и интересным в Telegram-каналеТатмедиа
Оставляйте реакции
