Әлмәт предприятиеләре җитәкчеләренә алкоголь сатуны чикләргә киңәш итәләр
Әлмәттә 26 декабрьдән 7 гыйнварга кадәр Яңа ел бәйрәме чаралары оештырылачак.
Шуңа бәйле рәвештә башкарма комитет сәүдә һәм җәмәгать туклануы предприятиеләре җитәкчеләренә чараларны уздыру урыннарында да, янәшәдәге территорияләрдә дә 2022 елның 25 декабреннән 2023 елның 13 гыйнварына кадәр Яңа ел чаралары уздыру урыннарыннан 1000 метрдан ким булмаган радиуста алкогольле эчемлекләр һәм сыра сатудан тыелырга киңәш ителде.
Бу шәһәр һәм район халкының, мәгариф, мәдәният, сәламәтлек саклау оешмалары җитәкчеләренең мөрәҗәгатьләре, үсеп килүче буынның сәламәтлеген саклау, спиртлы эчемлекләр һәм сыра эчүдән баш тарту пропагандасын үстерү, шулай ук халык күпләп җыелган урыннарда җәмәгать тәртибен саклау максатыннан башкарыла.
Следите за самым важным и интересным в Telegram-каналеТатмедиа