Әлмәттә волейбол буенча чемпионат узды

9 ноябрьдә Әлмәттә Татарстан республикасы судлары һәм судьялар җәмгыяте командалары арасында волейбол буенча чемпионат узды.

Чемпионат Татарстан республикасы шәһәрләреннән 14 команданы җыйды.

Ярышларны ачуда мәртәбәле кунаклар катнашты. Чемпионатта катнашучыларны Әлмәт районы башлыгы Тимур Нагуманов сәламләде: «Мондый чараны кабул итү һәм уздыру безнең өчен зур дәрәҗә. Без үзебез муниципаль хезмәткәрләр спартакиадасында актив катнашабыз.  Әлмәтне сайлаганыгыз өчен зур рәхмәт!».

«Бүгенге чара-зур бәйрәм. Иң көчлеләр җиңсен. Яхшы тәэсирләр, якты җиңүләр телим сезгә. Без сезнең өчен җан атачакбыз», - диде ТР югары суды рәисе Илгиз Гыйләҗев.

Чемпионат һәм ТР гимны ачылганнан соң спорт ярышлары башланды, командалар төркемнәргә бүленде. 

Бәйрәмнең мәртәбәле кунаклары волейболдан ләззәтләнеп кенә калмыйча, Әлмәтнең җәмәгать урыннарында да булырга өлгерделәр. Судьялар делегациясе «Нур» яшьләр психологик ярдәм үзәгендә булды. 

Аннары кунаклар инженерлык лицеенда булдылар, анда ТР югары суды рәисе белән ачык дәрес үтте. Сигезенче сыйныф укучылары РФ суд системасы турында лекция тыңладылар. Дәрес диалог форматында үтте, анда укучылар аларны кызыксындырган сорауларны судьяларга бирделәр һәм аларга җавап алдылар.

Ахырда Илгиз Гыйләҗев һәркемгә суд һәм суд системасы турында сөйләүче китаплар бүләк итте.

Фото: Әлмәт муниципаль районы башлыгының матбугат хезмәте