Әлмәт герой белән хушлашты

Әлмәт районының Ямаш авылында автомобиль взводы хәрби хезмәткәре, 2 гвардия гомуми гаскәр армиясенең 30 аерым мотоукчылар бригадасы материаль тәэмин итү ротасыннан Алексей Алексеевич Комбаровны соңгы юлга озаттылар.

Хушлашу митингы мәдәният йортында узды, анда район башлыгы Тимур Нагуманов, Татарстан республикасы хөкүмәтеннән вәкил Сергей Крайнов, Әлмәт шәһәре һәм Әлмәт районы хәрби комиссары, полковник Ришат Сабиров, һәлак булучының якыннары һәм туганнары җыелды.

Тимур Нагуманов гаиләсенең һәм туганнарының тирән кайгысын уртаклашты: "Хөрмәтле Любовь Ивановна, Алексей Николаевич, туганнары һәм якыннары, нәрсә дә булса әйтүе кыен. Лаеклы якташыбызны озатабыз. Ул боерык буенча түгел, бүләкләр өчен дә түгел, ә чын күңелдән китте. Ул әтисе артыннан хәрби һәм гражданлык бурычын үтәргә китте. Мондый вакыйгалар булганда ул читтә кала алмады. Кызганычка каршы, хәрби гамәлләр беркемне дә кызганмый. Батырлыклары өчен зур рәхмәт әйтәсе килә. Мәңгелек хәтер!»

Алексей Комбаровның әтисе үз чиратында район башлыгына, шәһәр хакимиятенә, хәрби комиссариатка ярдәм иткәннәре өчен рәхмәт белдерде. 

Комбаров Алексей Алексеевич 1984 елның 13 июнендә Әлмәт районы Ямаш авылында туа. Ул Ямаш мәктәбен, аннан ПТУ-84не тәмамлаган. Укуны тәмамлаганнан соң 2014 елда контракт буенча хезмәткә китә. Сарман хәрби комиссариатында хәрби исәптә тора. 2022 елның 14 сентябрендә хәрби хезмәткә чакырыла.

Күп балалы гаиләдән булган Алексей Комбаров үзе дә күп балалы әти, аның өч баласы калды: кызы Алина һәм уллары Тимур һәм Савва.

2022 елның 6 ноябрендә Луган халык республикасының Кременная торак пункты янында күкрәк ярасы нәтиҗәсендә үлә. Үлем хәрби хезмәт бурычларын үтәү белән бәйле. Герой медале бар.

Фото:  Әлмәт муниципаль районы башлыгының матбугат хезмәте