Әлмәт мобилизацияләнүчеләр өчен күчмә концерт оештырды

Патриотик характердагы җырлар, биюләр, чыгышлар, рухны күтәрә – боларның барысын да концертта ишетергә мөмкин иде. Сәгать ярым тамаша «Волга-волга» вокаль-инструменталь ансамбле чыгышы белән тәмамланды. Мобилизацияләнүчеләр концертны аеруча шатланып кабул иттеләр. 

Шулай ук аларга предприятиеләр, эшмәкәрләр һәм иганәчеләр ярдәме белән Әлмәт штабы әзерләгән тактик җиһазлы рюкзаклар да тапшырылды. Балаклава, тез, терсәк өчен саклау чаралары, фольгалы одеял, пычак, утыргыч, наушник, тактик перчаткалар, тактик жилет, сухпаек – бу файдалы әйберләрнең барысы да рюкзак комплектациясенә керә.

Ир-егетләр бу әйберләрнең хезмәт вакытында файдалы булачагын билгеләп үттеләр һәм Әлмәт муниципаль районына ярдәмнәре  өчен рәхмәт белдерделәр.

Әлмәт муниципаль районы башлыгының матбугат хезмәте