Әлмәтлеләр мобилизацияләнгәннәргә тәм-томнар җибәрде
Әлмәт «Әни пироглары» республика акциясенә кушылды.
Әлмәтлеләр «Әни пироглары» акциясе кысаларында алты йөз пирог һәм йөздән артык төргәк чәк-чәкне мобилизациялеләргә озаттылар.
Пироглар Әлмәт профессиональ көллиятендә кабул ителде, дип хәбәр итә район башлыгының матбугат хезмәте.
Әлмәттән 594 пирог, 715 пирожки һәм плюшка, 112 төргәк бавырсак һәм чәк-чәк, алты литр бал, шулай ук шикәр, кофе, чәй, конфет җибәрделәр.
Моннан тыш, дүрт медикаментлар тутырылган тартма, 500 пар оекбаш, 25 балаклава, 28 шарф, 277 пар перчатка җыелган иде.
"Барлык җыелган продуктлар һәм әйберләр дә ана мәхәббәте, балаларыбызга карата кайгыртучанлык һәм наз белән тулган. Безнең мобилизацияләнгәннәргә ярдәм итүче акцияләрдә катнашканнарга рәхмәт белдерәбез",- ди район башлыгы матбугат хезмәте.
Фото: район башлыгының матбугат хезмәте.
Следите за самым важным и интересным в Telegram-каналеТатмедиа
Оставляйте реакции
