Татарстан студентлары 2 млн. сумнан артык грант оттылар

Нәтиҗәләр буенча республика проектлары 2 млн.сумнан артык грант акчасы алды. Бу хакта ТР Яшьләр эшләре, спорт һәм туризм министрлыгы матбугат хезмәте хәбәр итә.

"Студентлык-инициативага, максатчанлыкка ия җәмгыятьнең аерым бер өлеше, бу безнең республиканың һәм тулаем Россиянең киләчәгенә нигез булып тора. Бу көннәрдә Казанның бөтен илебезнең яшьләр башкаласы булуын әйтсәк, мин бер дә арттырмасмын", - дип билгеләп үтте ТР Яшьләр эшләре буенча министры Дамир Фәттахов.

Ул слетның һәр студентын котлады һәм слетта алган белемнәре, дуслыгы һәм тәҗрибәсе балаларның киләчәк тормышында һичшиксез кирәк булачагына ышаныч белдерде.

Слетта Яшьләр проектларының Бөтенроссия конкурсы узды, анда йөздән артык проект грантлар өчен конкурентлык итте. Илнең 16 регионыннан барлыгы 26 проектка 8 млн. сумнан артык акча бирелде, аларның 2сен Татарстан студентлары алды.

«Профессионаллар Лигасы» белем бирү программасы белән Нелля Пулатова 450 000 алды, ә Рөстәм Сәлахетдиновка «Deadline» яшьләр медиа-платформасына 450 000 бүлеп бирелде. Шулай ук «Яшьләр сукмаклары» туристик Хакатонын гамәлгә ашыру өчен Тимур Азанчеев 450 000 сум акча алды, ә Диләрә Сафина Казанның «Халыклар дуслыгы» исемле чит ил студентлары Спартакиадасын үткәрү өчен 350 000 сум акча отты. "Старосты.рт" Шәһәр марафонын тормышка ашыру өчен Даниил Шейко да шундый ук сумма алган. Ә Алинә Сәлахиева «Әйдә» проектына 70 000 сум акча алды.

«Бу минем беренче җиңүем, моңа озак бардым. Бу хис-тойгылар көчле, мин һәр күзәнәктә шатлык хис иттем, моңа һаман да ышанмыйм», — диде «ТИСБИ» Идарә университеты студенты Тимур Азанчеев.

Элегрәк «Татар-информ» МА хәбәр иткәнчә, Бөтенроссия студентлар лигасы слетында Татарстан медиамәктәбенең проекты Кырым студентларын кызыксындырган.

Татарстан Республикасы Яшьләр эшләре һәм спорт министрлыгының Матбугат хезмәте