Әлмәттә мәктәп укучылары һәм студентлар яшь сугышчы курсын узды

Каршылыклар полосасын узарга, граната ташларга, автоматны җыярга һәм сүтәргә: Әлмәт укучылары һәм студентлары алдына шундый бурыч куелды. ДОСААФта хәрби разведка көненә багышланган ярышлар узды.

Алда койма, лабиринт, шиналар аша йөгерү һәм шуышырга кирәк булган зона. Бу әле финиш түгел: алга таба катнашучылар боҗрага граната ыргыталар һәм винтовкадан мишеньгә аталар. Иң мөһиме-барысын да мөмкин кадәр тизрәк башкару. ДОСААФ автомәктәбендә хәрби-гамәли спорт төрләре буенча ярышлар узды.

«Кызганычка каршы, соң башладык, бу Советлар Союзы чорыннан туктамыйча кирәк иде. Бу мәҗбүри. Армиянең абруен күтәрү өчен барлык укучыларны да физик яктан армиядә хәрби хезмәткә әзерләргә кирәк, балалар телефоннарда утырмасын, ә нәкъ менә физик яктан үссен һәм беренче чиратта Ватанга мәхәббәт тәрбияләсен өчен», – ди ДОСААФ начальнигы Илдар Әхмәтов.

Сынаулар каршылык полосасы белән генә чикләнмәде. Аннан соң автоматны вакытка сүтеп җыю булды.

Хәрби-гамәли осталыкта 6 команда көч сынашты. Нәтиҗәдә иң тиз студентлар югары нефть мәктәбе студентлары булды. Иң яхшы шәхси нәтиҗә күрсәткәннәрне дә аерым призлар көтте.

Фото: скрин видео