Бүген Әлмәт укучылары өчен яңа уку елы башлана

Әлмәттә быел Белем көненә багышланган тантаналы линейкалар икенче сентябрьдә уза. Быел беренче кыңгырау 2800 беренче сыйныф укучысы өчен яңгыраячак. Мәктәпкә Әлмәттә һәм районда барлыгы 29 мең укучы барачак. Ике уку йорты, 2 нче лицей һәм Яңа Кәшер мәктәбе укучыларына капиталь ремонттан соң яңа биналарда уку елын башлау бәхете елмайды. Шулай ук өч мәктәптә азык-төлек блоклары ремонтланган һәм  урыннар саны арттырылган.