Әлмәтнең 2 нче лицеенда капиталь ремонт төгәлләнде

Әлмәттәге 2 нче лицейның 1296 укучысы яңартылган мәктәпкә килде. Быел бина капиталь ремонтланды. Яңа уку елында укучыларны ремонтланган сыйныфлар, 360 кешегә исәпләнгән ашханә, йөз квадрат метрга якын мәйданлы китапханә, 300 урынлы актлар залы, яңартылган спорт залы көтә. Физика-математика һәм табигый фәннәр профильле белем бирүдән тыш, лицей укучылары үзләренә кызыксынулары буенча клуб та сайлый һәм түгәрәкләргә йөри алачак.

Фото: архив