Татарстанда 90 студент һәм аспирант махсус стипендия алачак
Татарстан Рәисе Рөстәм Миңнеханов республика студентларына, адъюнктларына, аспирантларына һәм курсантларына махсус стипендия билгеләү турында карар имзалады.
Аспирантлар өчен стипендия күләме 33 мең сум тәшкил итә, хәрби училище курсантлары өчен – 27 мең сум һәм югары уку йортлары студентлары өчен – 16 мең сум. Татарстан Республикасы җитәкчесенең рәсми сайтында урнаштырылган документта шул турыда белдерелә.
«Татарстан Республикасы министрлар кабинеты тәкъдимнәрен караганнан соң, карар итәм: бик яхшы өлгереш, фәнни-гамәли конференцияләрдә, фән олимпиадаларында җиңү һәм призлы урыннар өчен 2022/2023 уку елына Татарстан Республикасының махсус дәүләт стипендияләрен билгеләргә, 2021/2022 уку елы нәтиҗәләре буенча», – диелә карарда.
Тулаем алганда, түләүләрне КФУ, КДМУ, КНИТУ-КХТИ, КНИТУ-КАИ, Казан танк училищесы һәм башка уку йортларыннан 90 укучы алачак.
Исегезгә төшерәбез, узган ел ахырында Миңнеханов шулай ук Татарстан Рәисе стипендияләрен билгеләү турында карар имзалады. Аның нигезендә, стипендия йөзләгән студентка бик яхшы өлгереш, фәнни-гамәли конференцияләрдә һәм фән олимпиадаларында җиңү һәм призлы урыннар өчен каралган.
Следите за самым важным и интересным в Telegram-каналеТатмедиа