Биш мәктәптә тугыз сыйныф карантинга ябылган

 Укучылар вакытлыча изоляциягә озатылды, дип хәбәр итә ТР Мәгариф һәм фән министрлыгы.

Дүрт сыйныф Казанның өч мәктәбендә ябылган, тагын дүртесе — Менделеевск районы мәктәпләрендә һәм бер сыйныф Түбән Кама районында.

«Министрлык көн саен хәлне күзәтеп тора һәм салкын тию очраклары белән бәйле рәвештә, балалар һәм сыйныфларның күпмесе дистанцион укытуга китүен күзәтә», — дип билгеләп үттеләр.

Татарстан мәктәпләрендә иртәнге фильтр, даими җилләтү, биналарны чистарту эшләре алып барыла. Бер бинада күпләп укучылар җыелмаска, укытучылар битлек режимын сакларга тиеш.