Мең дә бер киңәш
Җиләк бәлеше рецепты
Тиз һәм җайлы гына әзерләнә торган җиләк бәлеше.
Җир җиләге кызарып пеште.
Тирән савытка ике йомырка сытып, 100 грамм җылы сөт, 100 грамм шикәр комы, 100 грамм эретелгән акмай, 1 калак чәй содасы, чеметем генә тоз өстәп, яхшылап болгатабыз.
Әлеге массага 250-300 грамм он кушып туглыйбыз. Камыр каймактан куерак булырга тиеш. Барлыкка килгән массага шикәр комы буталган бер стакан җиләк кушып бутыйбыз.
Майланган табага камырны салып, өстен тигезлибез һәм 170 градуслы духовкада 45-50 минут пешерәбез.
Следите за самым важным и интересным в Telegram-каналеТатмедиа