Әлмәт таңнары

95 яшьлек әлмәтле Ватанына рәхмәтле

10 февраль көнне үзенең туган көнен Әлмәттә гомер кичерүче Мәврүрә Нурмөхәммәт кызы Шәймарданова билгеләп үтте.

Аның 95 яшьлек юбилее ТАССР төзелүнең 100 еллыгы белән тәңгәл килде. Туган көнендә ак әбигә РФ Президенты Владимир Путин исеменнән район башлыгы Тимур Нагуманов, сәламәтлек саклау идарәсе һәм үзәк район хастаханәсе җитәкчелеге, шәһәрнең ветераннар советы исеменнән тантаналы котлау сүзләрен җиткерделәр. 
Бу көнне дүрт буын ихлас кадер-хөрмәтен белдерү өчен аның йортына җыелды. 

Реклама

Мәврүрә апа 1925 елда Әлмәт районының Гөлбакча авылындагы күпбалалы гаиләдә якты дөньяга килә. 
Тормыш иптәше белән 63 ел яшәп, дүрт ул һәм бер кыз бала тәрбияләп үстерәләр. Мәрхәмәтле, тыныч, төпле тыл хезмәтчәне, хезмәт ветераны Мәврүрә апа бүген дә шундый. Сугыш башланганда 16 яшьлек кызны Пермь краеның Каенлык шәһәренә төзелеш эшләренә җибәрәләр. 

Әлмәт үзәк район хастаханәсенең Яңа Кәшер участок хастаханәсендә 20 елдан артык санитар, аннары пешекче булып хезмәт куйган. 



“Мин бөтен кыенлыкларга да карамастан, хезмәт итәргә һәм рәхәтләнеп яшәргә теләдем", - ди юбиляр. - Минем бөтен байлыгым - зур тату гаиләдә. Балаларым киленем, киявем, оныкларым һәм оныкларым белән утызга җитте. Алар барысы да – минем таянычым, ярдәмчем һәм зур мәхәббәтем. Туган Татарстанымны яратам, туган җиремне дә, Ватанымнан да кадерлерәк нәрсә юк дөньяда. Без аның белән яшьтәшләр диярлек, һәм мин аның киләчәктә дә чәчәк атуын телим. Бүген барыгызга да җылы котлауларыгыз өчен зур рәхмәт һәм тагын очрашулар өмет итәм”. – ди Мәврүрә апа.

Фото:Лилия Сабитова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: