Җинаять һәм җәза
Төрмәдән кайткан биш әлмәтлегә суд аша флюорография үтәргә куштылар
Закон нигезендә, төрмәдән чыккан кешеләр туберкулезны елына 2 тапкыр тикшерергә тиеш.
Әлмәт шәһәр прокуратурасы хәбәр иткәнчә, ведомство хезмәткәрләре төрмәдән кайткан һәм туберкулезны тикшерүдән качкан 5 кешене ачыклаган. Сәламәтлек саклау министрлыгы боерыгы буенча, мондый кешеләр азат ителгәннән соң беренче ике ел эчендә елына 2 тапкыр тикшерү узарга тиеш.
Прокуратура судка медицина тикшерүе узу бурычы турында 5 дәгъва гаризасы җибәрә, суд аларны канәгатьләндерә.
Бу юнәлештә эш дәвам итә.
Следите за самым важным и интересным в Telegram-каналеТатмедиа