Әлмәт таңнары

Әлмәттә яшәүче хатын-кызның картасыннан мошенниклар 15 мең сум акча урлаганнар

Нинди банк хезмәтеннән файдалануы турында ханым мошенникларга үзе сөйләгән.

Полиция дежур частенә Әлмәттә яшәүче 47 яшьлек хатын-кыздан акча урлау турында гариза килгән.

Башлангыч мәгълүматларга караганда, зыян күрүченең телефонына билгесез номердан банкларның берсендә куркынычсызлык хезмәте хезмәткәре исеменнән ир-ат шалтырата һәм каракларның банк картасыннан акчаларны билгесез счетка күчерергә маташуын хәбәр итә. Ханым алар атаган банк хезмәтеннән файдаланмавын, ә башка банк клиенты булуын әйтә. Шалтыратучы шунда ук хатын-кызга барлык акчасын куркынычсыз счетка күчерергә тәкъдим итә. Хатын-кыз барлык шартларны да үтәп, бөтен мәгълүматны җиткерә. Шуннан соң аның кесә телефонына картасыннан акча күчерелү турында смс-хәбәр килә. Китерелгән зыянның күләме 15 000 сумны тәшкил итә.
Әлеге факт буенча тикшерү үткәрелә.

Россия Эчке эшләр министрлыгының Әлмәт районы буенча бүлеге +7495 яки +7499 номерларыннан килгән шалтыратуларга җавап бирмәскә киңәш итә. Беркайчан да шалтыратучыларга 16 яки 18 саннан торган карта номеры (PAN), картаның PIN-кодын, карта хуҗасының исеме һәм фамилиясен, картаның кире ягында саннар (CVC/CVC2, CVV2, CVV2, CVP/CVP2), смс кодын, картаның гамәлдә булу срогын әйтергә ярамый!

Исегездә тотыгыз, банк хезмәткәрләре беркайчан да сездән бу мәгълүматларны сорамый. Уяу булыгыз!

Реклама

 


Россия Эчке эшләр министрлыгының Әлмәт районы буенча бүлеге матбугат хезмәте

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: