Әлмәткә 1600 доза күләмендә «Спутник V» вакцинасы кайтарылган

Бүген Әлмәткә коронавирустан «Спутник V» чираттагы вакцина партиясе кайтарылган. Район үзәк хастаханәсенә 1,6 мең доза кайтарылган. Вакцинацияне 1150 әлмәтле көтә, дип хәбәр итә «Әлмәт ТВ».

Прививкага язылу өчен алдан шалтыратырга кирәк. Район үзәк хастаханәсенә 8 (8553) 33-83-80 һәм 8 (8553) 22-78-46 номерлары буенча шалтыратып язылырга мөмкин.

Препаратның бер өлеше 3 нче  шәһәр хастаханәсенә дә китерелде. Хәзер прививканы бу медицина учреждениесендә дә ясатырга мөмкин булачак.

3 нче поликлиникада прививка ясату өчен 8 (8553) 32-33-74 номеры буенча шалтыратырга кирәк.