Татарстанда Covid-19 инфекциясеннән тагын 4 кеше вафат булган

Татарстанда тагын дүрт кеше коронавирус инфекциясеннән үлгән. Бу хакта Татарстан Сәламәтлек саклау министрлыгының матбугат хезмәте хәбәр итә.

Вафат булучылар — өч хатын-кыз (1935, 1946 һәм 1948 елларда туган), шулай ук 1943 елда туган ир-ат.

«Үлем сәбәпләре патологик-анатомик экспертиза нәтиҗәсендә ачыкланды», — дип хәбәр иттеләр республика ведомствосының матбугат хезмәтендә.