Коронавирус
Татарстанда коронавирустан тагын 3 кеше үлгән
Республикада Covid-19 корбаннарының гомуми саны 192гә җитте.
Татарстанда тагын өч кеше яңа төрдәге Covid-19 коронавирус инфекциясе корбаны булган. Бу хакта ТР Сәламәтлек саклау министрлыгының матбугат хезмәтеннән хәбәр иттеләр.
«Татарстанда коронавирус инфекциясеннән вафат булуның өч очрагы расланды», - дип белдерделәр министрлыкта.
Коронавирустан 1941 һәм 1978 елгы хатын-кызлар, шулай ук 1980 елгы ир-ат дөнья куйган.
Хәбәрдә үлемнең сәбәбе патологоанатомик экспертиза үткәрү нәтиҗәсендә ачыклануы һәм вирусның идентификацияләнүе искәртелә.
Следите за самым важным и интересным в Telegram-каналеТатмедиа