Коронавирус
Планлы госпитализацияләү өчен татарстанлыларга коронавируска ПЦР-тест тапшырасы түгел
РФ Сәламәтлек саклау министрлыгы боерыгына төзәтмәләр берничә көннән үз көченә керә.
Татарстанда яшәүчеләргә планлы госпитализация вакытында коронавируска анализ нәтиҗәсе кирәк түгел. Бу хакта «Татар-информ» мәгълүмат агентлыгында узган матбугат конференциясендә ТР сәламәтлек саклау министры урынбасары Владимир Жаворонков сөйләде.
Министр урынбасары билгеләп үткәнчә, РФ Сәламәтлек саклау министрлыгы боерыгына төзәтмәне гамәлгә ашыру өчен берничә көн кирәк булачак.
Татарстан Сәламәтлек саклау министрлыгында, ОРВИ билгеләре булган планлы пациентлар өчен хастаханәләрдә буфер зоналары булдырылачак, дип аңлаттылар.
Следите за самым важным и интересным в Telegram-каналеТатмедиа
Оставляйте реакции
