Әлмәттәге янгында велосипед, коляска, самокат һәм электромотоцикл кыска вакыт эчендә чүп-чар һәм көл өеменә әверелде

Әлмәтнең Төзүчеләр урамындагы 78 нче йорт подъездында 5 мартта төнлә янгын чыккан.

  Өченче катның баскыч мәйданчыгында (башта ут төртү нәтиҗәсендә) 2 балалар коляскасы һәм велосипед яна башлаган. Подъездда көчле төтен була. Өченче каттагы фатирларның берсендә яшәүче, котылырга теләп, кухня балконына йөгереп урамга, көрткә сикерә. Аңын югалтмый, уң аягын имгәтә. 20 яшьлек ир-ат хастаханәгә озатылган.

Килгән янгын сүндерүчеләр 1,5 кв. метр мәйданда ачык янгын сүндергәннәр.  

.Хәзер 3 каттан 10 катка кадәр барлык стеналар корым белән капланган.

Шикләнелүче ир-ат хәзерге вакытта полиция хезмәткәрләре тарафыннан тоткарланган. Булган хәлнең шартлары ачыклана. Шул ук вакытта гадәттән тыш хәлләр министрлыгы хезмәткәрләре тагын бер тапкыр искә төшерә - подъездда шәхси әйберләрне сакларга ярамый. «Янгынга каршы режим кагыйдәләре нигезендә, РФдә милекне, велосипед яки коляскамы, подъездларның баскыч читлекләрендә һәм башка эвакуация юлларында саклау тыела, чөнки янгын очрагында ул тоткарлыксыз эвакуацияләүгә комачауларга мөмкин, шулай ук бу һәлакәтнең сәбәбе булырга мөмкин», – ди Әлмәт шәһәре дәүләт янгын күзәтчелеге башлыгы Равил Хөсәенов.