Әлмәттә ишегалды корылмалары янды

Янгын сүндерүчеләр шәһәр ишегалдындагы каралты-курага капкан утны сүндерделәр. Попова урамындагы янгын турында мәгълүмат 5 декабрьдә 4.16 сәгатьтә килә. Бу хакта Әлмәт дәүләт янгын күзәтчелеге идарәсе хәбәр итә.

Янгын нәтиҗәсендә  абзарның түбәсе, өлешчә мунча юк ителгән. Бүлмәләргә эчке яктан зыян килгән.

Янгын мәйданы 48 м. кв.ны тәшкил итте.  Зыян күрүчеләр һәм һәлак булучылар юк. Янгынның сәбәбе ачыклана.

Фото: Әлмәт дәүләт янгын күзәтчелеге