Әлмәт таңнары

Чаллыда 11 яшьлек кызга эт ташланган һәм йөзен ерткан

Иртәнге якта кыз ГЭС бистәсе янындагы тукталышта торганда аңа “американ акита” токымлы эт ташлана. Санаулы минутлар эчендә ул кызның йөзен тешли, ерта.

Әлеге вакыйганы күргән эт хуҗасы ашыгыч медицина ярдәме дә чакыртмыйча, урыннан китеп бара. Балага янәшәдә узып баручылар ярдәмгә килә һәм ашыгыч ярдәм чакырта.

Реклама


Кызның битенә операцияне 4 сәгать дәвамында ясыйлар. Бу хакта ТР Сәламәтлек саклау министрлыгының матбугат хезмәте хәбәр итә. Хирурглар баланың йөзен тегә. Хәзерге вакытта кыз хастаханәдә дәвалана. Табиблар аның хәлен уртача дип бәяли.


Әлеге вакыйга уңаеннан республика прокуроры Илдус Нафиков бу хәлне тикшерү бурычы куйган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: