Әлмәттә гомумшәһәр шимбә өмәсе булды

22 октябрьдә Әлмәттә гомумшәһәр өмәсе булды. Өмәдә катнашучылар шәһәр территорияләрен җыештырдылар, дип хәбәр итә район башлыгының матбугат хезмәте.

Генераль җыештыруга идарәче компанияләрнең, башкарма комитетның, спорт идарәсенең, җир-мөлкәт мөнәсәбәтләре комитетының, административ-хуҗалык идарәсенең хезмәт коллективлары чыкты.

Җыештыруда 150ләп кеше катнашты. Каты көнкүреш калдыклары полигонына 25 КамАЗ яки 175 куб. м. чүп чыгарылган.

Өмә барышында үзбушаткычлар һәм төягечләр җәлеп ителде, чүп җыю һәм чыгару оештырылды, юл кырыйлары тәртипкә китерелде, чүп үләннәрен уталды, коры ботаклар киселде.