Әлмәттә шикаятьләр аркасында экологлар шарлавыклы буаларда су пробаларын алды

Социаль челтәрләрдә әлмәтлеләр шарлавыклы буалардагы сулыкта күбек булу турында хәбәр итте. Шул сәбәпле экологлар  урынга чыгып, су пробалары алдылар. Бу хакта ТР Экология һәм табигать ресурслары министрлыгының матбугат хезмәте хәбәр итә.

«Су объектын тикшерү вакытында (3 октябрь) күбек табылмады, территория контрольгә алынды. Бүген инспекторлар янә сулыкка чыктылар һәм су өслегендә аз күләмдә күбек таптылар», – диелә анда.

Су пробалары алынган, нәтиҗәләр җиде көннән соң билгеле булачак. Анализ нәтиҗәләре буенча реакция чаралары күреләчәк.