Әлмәттә кая барырга: «Шәһәрнең мәдәни мохите» кысаларында чаралар афишасы

Әлмәттә «Шәһәрнең мәдәни мохите» проекты кысаларында мәдәни-күңел ачу программалары 30 июньдә һәм 1 июльдә узачак.

30 июньдә 18.00 сәгатьтә «Яшьлек» скверында һәм «Сәламәтлек» паркында балалар анимация программасы узачак. Шул ук вакытта «Каракүз» скверында Дмитрий Ларичев, драма театры артындагы фонтан мәйданында «Yarat» кавер – төркеме, Мәгариф бульварында «Фрикинг Аут» чыгыш ясаячак.

1 июльдә 18.00 сәгатьтә Фонтан мәйданында драма театры артында Евгений һәм Виктория Макитрук чыгыш ясаячак. Шул ук вакытта «Яшьлек» скверында һәм «Сәламәтлек» паркында балалар анимация программасы узачак. Мәгариф бульварында скрипкачы Андраник Мелконян, «Каракүз» скверында Инсаф Ганибаев чыгышы булачак. «Түбән Мактама» мәдәният йорты каршындагы мәйданда Татарстан Республикасының атказанган артисты Федор Кузнецов чыгыш ясаячак. «Иске Әлмәт» мәдәният йорты каршындагы мәйданда әлмәтлеләр һәм шәһәр кунаклары өчен саксофонист Владислав Бакин чыгыш ясаячак.