Әлмәт муниципаль районында 600 нче парның никахы теркәлде

 Никахлашуны теркәү-гаилә тормышына аяк басучы яшь пар тормышында тантаналы һәм истәлекле мизгел.

Илнур Радикович һәм Татьяна Михайловна Нәҗмиевлар өчен бу дулкынландыргыч вакыйга икеләтә истәлекле булды: алар Әлмәт муниципаль районында 2024 елның 600 нче пары булдылар.

ЗАГС  хезмәткәрләре яшь парны чын күңелдән котладылар, аларга гаилә иминлеге һәм үзара аңлашу, барлык теләкләренең үтәлүен, һәр мизгелнең бәхет һәм шатлык белән тулуын теләделәр. Яшь парларга дәүләт документы - никахлашу турында таныклык тапшырылды.

Фото: ЗАГС