Тормыш - яшәеш
Әлмәттә 11 нче игезәкләр туган
14 июльдә Татарстан республикасы Әлмәт муниципаль районы башкарма комитеты ЗАГС идарәсендә 11 игезәкләрнең тууы теркәлгән.
Икеләтә бәхет, икеләтә шатлык Руслан Ришат улы һәм Алия Нәфис кызы Мандаровлар гаиләсенә килә. 7 июльдә аларның игезәкләре туа. Игезәкләр тугач, гаилә күп балалы була. Бу аларның гаиләсендә икенче һәм өченче бала. Яңа туган сабыйларга әти-әниләре Ясминә һәм Бәхтияр дигән матур исемнәр кушканнар. Аларны өйдә аплары Мәликә көтә.
ЗАГС белгечләре бәхетле ата - ананы икеләтә шатлык белән котладылар һәм әтиләренә балаларның беренче дәүләт документларын-бала туу турында таныклыкларны тапшырдылар.
Фото: ЗАГС
Следите за самым важным и интересным в Telegram-каналеТатмедиа