Татарстанда 17 мең күпбалалы ана пенсиягә вакытыннан алда чыккан
Моның өчен 15 ел хезмәт стажы, 23,4 пенсия коэффициенты булырга тиеш.
Татарстанда күпбалалы аналар пенсиягә вакытыннан алда чыга ала. Бу хакта Социаль фондның Татарстан буенча бүлеге искәртә.
Шулай итеп, биш яки аннан да күбрәк баласы булган хатыннар 50 яшьтән, ә 4 һәм 3 балалы аналар 56 һәм 57 яшьтә пенсиягә чыга ала. Татарстанда бу мөмкинлектән 17 мең хатын-кыз файдаланган.
Моның өчен 15 ел хезмәт стажы, 23,4 пенсия коэффициенты булырга тиеш. Шулай ук кирәкле шартлар арасында 8 яшькә кадәр балаларны тәрбияләү һәм «ата-ана хокукыннан мәхрүм итү һәм тәрбиягә алуны кичектерү» фактлары булырга тиеш түгел.
Хезмәт стажын һәм җыелган коэффициентны фондның сайтында яки «Дәүләт хезмәтләре» порталы аша белергә була.
Следите за самым важным и интересным в Telegram-каналеТатмедиа