Росздравнадзор кайбер даруларны китерүдә тоткарлыклар булу ихтималы хакында кисәтте
Хәзерге вакытта Россиядә кайбер даруларга ихтыяҗ зур һәм шул сәбәпле даруханәләрдә кайбер препаратларны җитәрлек санда китерү тоткарланырга мөмкин.
Бу хакта Сәламәтлек саклау өлкәсендә күзәтчелек федераль хезмәте (Росздравнадзор) Telegram-каналда хәбәр итә.
«Шул ук вакытта, дистрибьюторлар препаратларны даруханәләргә оператив рәвештә китерү һәм аның логистик юлларын үзгәртү буенча тиешле чаралар күрә», - диелә хәбәрдә.
Ведомство шулай ук россиялеләрне намуссыз оешмаларга ышанмаска чакырды. Алар кешегә кирәкле даруны китергән өчен аның бәясенең 50-100 проценты күләмендә алдан акча түләп куюны сорый. Росздравнадзорда мондый препаратлар ялган булырга мөмкин дип кисәттеләр.
«Мондый оешмаларга мөрәҗәгать иткән гражданнар акчаларын да югалта, сәламәтлеген дә куркыныч астына куя», - дип искәртте белгечләр.
Фото: https://ru.freepik.com/
Следите за самым важным и интересным в Telegram-каналеТатмедиа
Оставляйте реакции
