Әлмәттә янгын хәбәрчеләре ярдәм иткән

19 сентябрьдә 10.39 сәгатьтә гадәттән тыш хәлләр министрлыгының 11 нче часте диспетчеры телефонына Әлмәттәге Белоглазов урамындагы торак йорт подъездында яну исе һәм сигнализация тавышы турында хәбәр килә, дип хәбәр итә Әлмәт янгын күзәтчелеге.

Урынга килгән янгын сүндерүчеләр ризыкның януын ачыклыйлар.

Фатирда пенсионер ханым булган һәм үз вакытында эшләгән автоном янгын хәбәрчесе генә янгыннан һәм корбаннардан сакланырга ярдәм иткән.

Сигналны ишеткәч, 77 яшьлек пенсионер газ плитәсен сүндергән.

Фото: Әлмәт дәүләт янгын күзәтчелеге