Әлмәттә йөзьяшәрләрне хөрмәтләделәр

1 октябрьдә, Бөтендөнья өлкәннәр көнендә, Әлмәт районында озак яшәүчеләрне котладылар. Әлмәт районы башлыгы Тимур Нагуманов 100 яшьлек Любовь Ивановна Козлова һәм 108 яшьлек Зәрига Гәлбай кызы Шәйдуллинага бүләкләр тапшырды.

Любовь Ивановна армиягә 1942 елның апрелендә алына, Ярославль интендант училищесында укый. 1 сентябрьдә аны Сталинград фронтына җибәрәләр.

"Барысы да хәтердә, ләкин искә төшерәсе килми, авыр еллар үтте, бик авыр, фронт еллары үтте", - ди Любовь Козлова.

Хәрби прокуратурада секретарь, аннары хуҗалык буенча хисапчы була. Җиңүне Берлин янында каршылый. Ул-отставкадагы лейтенант. Аның бер улы, бер оныгы һәм өч оныкчыгы бар. Әлмәт муниципаль районының Ветераннар советы рәисе Василий Самойлов та Любовь Козлованы котлады һәм бүләкләр тапшырды.

Аннан соң Зәрига  Шәйдуллина котладылар. Ул-Татарстанның иң өлкән кешесе-тыл хезмәтчәне һәм хезмәт ветераны.

Күптән түгел аңа 108 яшь тулды. Хәзер йөзьяшәр авырып киткән, февраль аеннан ул урын өстендә. Ул 1913 елда Түбән Мактамада туа.

Хәзер тыл хезмәтчәне һәм хезмәт ветеранының 10 оныгы һәм 12 оныкчыгы бар. Зәрига әби ике сугыш кичерә: Беренче бөтендөнья һәм Бөек Ватан сугышы. Гомере буе колхозда эшләгән. Ә яраткан шөгыльләренең берсе - сугыш елларын да яктырткан  шигырьләр һәм бәетләр язу.

Фото: Әлмәт районы башлыгы матбугат хезмәте