Әлмәт таңнары

Әлмәт районы

18+
2024 - Гаилә елы
Торак – коммуналь хуҗалык

Әлмәттә коммуналь хезмәтләр 15,7 процентка кыйммәтләнә

Республиканың Рәисе торак-коммуналь хезмәтләр өчен түләүне арттыруны раслады.

Татарстан Республикасы Рәисе Рөстәм Миңнеханов киләсе елда коммуналь хезмәтләргә тарифларны арттыруны раслады. Торак-коммуналь хуҗалык өчен уртача түләү 10,8%ка артачак. Шул ук вакытта республиканың барлык шәһәрләрендә һәм шәһәр тибындагы поселокларында түләү максималь рөхсәт ителгән 15,7% ка артачак.

Миңнехановның коммуналь хезмәтләр өчен түләү күләмен үзгәртүнең чик индекслары турындагы Указы ТР башлыгы сайтында бастырылды. Документ нигезендә, 2024 елның 1 гыйнварыннан тарифлар үзгәрешсез калачак, ә кыйммәтләнү 1 июльдән булачак.

Реклама

695 муниципаль берәмлек өчен коммуналь хезмәтләр өчен түләүләрнең максималь индексациясе республика буенча уртача күрсәткеч дәрәҗәсендә билгеләнгән – 10,8%. Тагын 218 муниципаль берәмлек өчен, шул исәптән 24 шәһәр, 17 шәһәр тибындагы поселок һәм 177 авыл җирлеге өчен, торак-коммуналь хезмәтләр өчен түләү 15,7% ка арттырылачак (уртача күрсәткечтән законлы тайпылышларны исәпкә алып 4,9%). Әлмәт һәм Түбән Мактама халкын да шундый ук яңалык көтә. Түләүнең чик индекслары булган торак пунктларның тулы исемлеген сайттагы  Указда табарга мөмкин.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса