Татарстанда су басу аркасында күпер һәм ике юл су астында калган
Иң катлаулы вәзгыять ЫК елгасында саклана.
Татарстанда елгаларда су дәрәҗәсе күтәрелү аркасында күпер һәм берничә юл участогы су астында кала. Бу хакта республиканың гадәттән тыш хәлләр министрлыгында хәбәр иттеләр.
Мәсәлән, Азнакай районында Тымытык авылында Ык елгасы аша күпер су астында кала. Шулай ук Арча районында Кәче авылында Казансу елгасы янында һәм Теләче районында Кече Мишә елгасы янында Екатериновка авылында ике грунтлы юл су астында калган.
Моннан тыш, Түбән Кама районында өлешчә су басу теркәлгән. Кама елгасында су Красный Ключ бистәсендәге яр буена чыккан.
Коткаручылар вәзгыятьне күзәтеп торалар һәм елгаларда су дәрәҗәсен контрольдә тоталар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia