Әлмәттә идарәче компаниягә йорттагы күгәрек һәм кар өемнәре өчен штраф салганнар
Тикшерүләр Әлмәт идарәче компаниясе эшендә җитди хокук бозуларны ачыклады. Бу хакта Татарстанның торак инспекциясе хәбәр итә.
Әлмәттә идарәче компаниягә йорттагы күгәрек һәм кар өемнәре өчен штраф салганнар
Тикшерүләр Әлмәт идарәче компаниясе эшендә җитди хокук бозуларны ачыклады. Бу хакта Татарстанның торак инспекциясе хәбәр итә.
Әлмәттә Маяковский урамындагы 51 нче йортта яшәүчеләр фатирлардагы кара күгәректән зарланган. Инспекция шуның сәбәбе булып аккан түбә, җимерек фасад һәм ватык су агымнары булуын ачыклаган, шуның аркасында йортта дымлылык саклана. Вәзгыятьне түбәдәге җыештырылмаган кар катлауландыра. Йортны тиешенчә карап тотмаган өчен компания 125 мең сум штраф алган.
Моннан тыш, идарәче компания директорына Риза Фәхретдин урамындагы 24 нче йорт янындагы территориянең начар торышы өчен 25 мең сум штраф салынган - анда шулай ук түбәдә һәм отмостка янында кар табылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia