Татарстанда елгаларда шартлату эшләренә керештеләр
Татарстанда елгалардагы бозны шартлата башладылар.
Шартлату эшләре Менделеевск янындагы Тойманың ике участогында узган инде. Елганың бормалы үзәне әлегә боз белән капланган, ул бөтен шәһәр буйлап уза, һәм көчле кар эрегәндә шактый проблемалар тудырырга мөмкин.
Бозны шартлату белән Россия гадәттән тыш хәлләр министрлыгының Татарстан буенча Баш идарәсе бүлекчәләре белән берлектә Казан югары хәрби танк команда училищесы хәрбиләре шөгыльләнә.
Тойма бозындагы борауланган шурфларга шартлаткычлар 31 килограммнан артык шартлаткыч матдәләр салганнар һәм ташу вакытында суның куркынычсыз үтүен тәэмин итү өчен 150 квадрат метр мәйданда өч боз шартлавы үткәргәннәр.
– Ел саен язгы ташу вакытында республикада язгы ташу вакытында превентив чаралар үткәрелә, шул исәптән-боз шартлату эшләре, бозны кисү һәм каралау. Эшләрне нигездә тоткарлыклар куркынычы булган участокларда яисә автомобиль күперләре янында оештыралар. Шартлау эшләрен башкарганнан соң боз үзенең структурасын үзгәртә һәм тизрәк таркала. Быел карда су запасы күбрәк, - дип хәбәр итте Россия гадәттән тыш хәлләр министрлыгының ТР буенча гражданнар оборонасы һәм халыкны саклау идарәсенең халыкны һәм территорияләрне гадәттән тыш хәлләрдән саклау бүлеге башлыгы эчке хезмәт капитаны Павел Матюшев.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
