Казанда кеше үлемендә гаепле катер хуҗасын хөкем иттеләр

Казанның Киров суды судно йөртүчегә хөкем карары чыгарды. Аны «саксызлык аркасында кеше үлеменә китергән аз үлчәмле судноны эксплуатацияләү һәм хәрәкәт куркынычсызлыгы кагыйдәләрен бозу» маддәсе буенча гаепле дип таныдылар.

Идел буе транспорт прокуратурасы хәбәр иткәнчә, узган елның сентябрендә Иделдә «VBOATS» катеры руле артында Казан кешесе «Венеция» яхт-клубы пирсы белән бәрелешкән.

Нәтиҗәдә судно ауган, ә андагы пассажир һәлак булган.

Суд ир-атны гаепле дип таныды һәм аңа шундый ук сынау срогы белән 2 ел һәм 9 ай ирегеннән мәхрүм итү рәвешендәге җәза билгеләде һәм аны кече судлар белән идарә итү белән бәйле эшчәнлек белән шөгыльләнү хокукыннан мәхрүм итте.