Татарстанда октябрьдә ипотека активлыгы күзәтелде

Берләштерелгән кредит бюросы мәгълүматына караганда, октябрь аенда Татарстан банклары 18,35 млрд сумлык кредит биргән, бу сентябрь күрсәткеченнән 31% ка артык. Килешүләр саны да 27% ка үсеп, 3,99 меңгә җиткән.

Республикада ипотека кредитының уртача күләме 4,59 млн сумны, ә уртача срок – 276 айны тәшкил иткән.

Россия күләмендә октябрьдә 468 млрд сумлык 105,64 мең ипотека кредиты рәсмиләшкән. Кредитлар саны узган елның шул ук аенына караганда 23% ка, ә күләм буенча 37% ка арткан. Уртача сумма 4,43 млн сумга кадәр күтәрелгән (узган ел – 3,98 млн сум).

Ел башыннан бирле рәсмиләшкән ипотека кредитлары саны 716,07 меңне, ә аларның гомуми күләме 3,1 трлн сумны тәшкил итә. Бу күрсәткечләр узган елның аналог чорыннан түбәнрәк.

Октябрьдә ипотека базары структурасы үзгәрү узатмаган. Яңа төзелеш кредитлары саны буенча 42%, ә акча күләме буенча 56% тәшкил иткән. Яңа өйләргә кредитның уртача күләме 5,69 млн сум, срокы – 320 ай булса, икенчел фонд өчен бу күрсәткечләр 3,34 млн сум һәм 236 ай тәшкил иткән.

Кредитларның уртача бәясе октябрьдә 19,28% тан 18,76% ка кадәр кимегән. Яңа төзелештә ул 18,64% ка, ә икенчел фондта – 20,13% ка кадәр төшкән.

Ипотека күләме буенча лидерлар рәтенә Мәскәү (59,92 млрд сум), Мәскәү өлкәсе (39,87 млрд сум), Санкт-Петербург (29,84 млрд сум), шулай ук Краснодар крае (18,67 млрд сум) һәм Татарстан кергән.